Category: Uncategorized

(ភ្នំពេញ)៖ នាព្រឹកថ្ងៃអង្គារ ទី២៨ ខែមេសា ឆ្នាំ២០២៦ នាទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិគ្រប់គ្រងកម្មសិទ្ធិបញ្ញា «គ.ក.ប.» បានអញ្ជើញជាអធិបតីក្នុងពិធីបើកទិវាកម្មសិទ្ធិបញ្ញាពិភពលោក ឆ្នាំ២០២៦ ក្រោមមូលបទស្តីអំពី “កម្មសិទ្ធិបញ្ញា និងកីឡា៖ ការត្រៀមរួចរាល់ ការកំណត់ និងច្នៃប្រឌិត (IP and Sports: Ready, Set, Innovate)” និងពិធីសម្ពោធគម្រោងកម្មសិទ្ធិបញ្ញា ព្រមទាំងពិធីតាំងពិព័រណ៍ផលិតផល ម៉ាកសម្គាល់ភូមិសាស្រ្តទំនិញ ម៉ាកសមូហភាព និងស្នាដៃចំណេះដឹងប្រពៃណី និងវិញ្ញត្តវប្បធម៌ជាប្រពៃណី។ ពិធីនេះ ក៏មានការអញ្ជើញចូលរួមពី ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ លោកជំទាវ Bridget Collier ភារធារីស្ថានទូតអូស្រ្តាលីប្រចាំព្រះរាជាណាចក្រកម្ពុជា លោកស្រី Rebakah BELL តំណាងអង្គការស្បៀងនិងកសិកម្មនៃសហប្រជាជាតិប្រចាំកម្ពុជា លោក GUY Pessach ប្រធាននាយកដ្ឋានកម្មសិទ្ធិបញ្ញាសម្រាប់ធុរកិច្ចផ្នែកប្រព័ន្ធអេកូឡូស៊ីនវានុវត្តន៍កម្មសិទ្ធិបញ្ញានៃអង្គការកម្មសិទ្ធិបញ្ញាពិភពលោក ឯកឧត្តមរដ្ឋលេខាធិការប្រចាំការនៃក្រសួងពាណិជ្ជកម្ម ឯកឧត្តមអនុប្រធាននិងអនុប្រធានអចិន្ត្រៃយ៍នៃគណៈកម្មាធិការជាតិគ្រប់គ្រងកម្មសិទ្ធិបញ្ញា(គ.ក.ប.) […]

នៅថ្ងៃទី៥ ខែមករា ឆ្នាំ២០២៦ វេលាម៉ោង ២:០០ រសៀល ឯកឧត្តម សួន វិជ្ជា ទីប្រឹក្សាក្រសួងពាណិជ្ជកម្ម និងជាប្រធាននាយកដ្ឋានកម្មសិទ្ធិបញ្ញា បានចូលរួមជាគណៈអធិបតីបើកសិក្ខាសាលាតាមប្រព័ន្ធអនឡាញស្តីពី “ម៉ាកនិងការកសាងកេរ្តិ៍ឈ្មោះម៉ាកឌីជីថល” ដោយមានការចូលរួមថ្លែង សុន្ទរកថាដោយ លោកជំទាវ HELEN FAZEY ឯកអគ្គរាជទូតចក្រភពអង់គ្លេសប្រចាំតំបន់អាស៊ាន។សិក្ខាសាលានេះ ក៏មានការអញ្ជើញចូលរួមពី មន្ត្រីនាយកដ្ឋានកម្មសិទ្ធិបញ្ញា តំណាងភ្នាក់ងារ ROUSE សហគ្រិន ភ្នាក់ងារតំណាងស្របច្បាប់សម្រាប់ការចុះបញ្ជីម៉ាក មេធាវី និងសាធារណជន សរុបចំនួនប្រមាណ ១៨០រូប។សិក្ខាសាលាអនឡាញនេះរៀបចំឡើងក្នុងគោលបំណងលើកកម្ពស់សមត្ថភាពរបស់សហគ្រិន ភ្នាក់ងារតំណាងស្របច្បាប់សម្រាប់ការចុះបញ្ជីម៉ាក មេធាវី និងសាធារណជន ឱ្យទទួលបានការយល់ដឹង បន្ថែមពាក់ព័ន្ធនឹងច្បាប់និងលិខិតបទដ្ឋានគតិយុត្តពាក់ព័ន្ធនឹងម៉ាក ការកសាងកេរ្តិ៍ឈ្មោះម៉ាក វិធីសាស្ត្រ ពង្រឹងអាជីវកម្មម៉ាក ការធ្វើពាណិជ្ជូបនីយកម្ម ទ្រព្យកម្មសិទ្ធិបញ្ញា តាមរយះការធ្វើកិច្ចសន្យាម៉ាក កិច្ចការពារម៉ាកតាមប្រព័ន្ធអនឡាញ និងវិធីសាស្ត្រ នៃការការពារម៉ាកស្របតាមច្បាប់។ល។ក្នុងឱកាសនោះដែរ ឯកឧត្តម សួន វិជ្ជាបានថ្លែងអំណរគុណ ចំពោះចក្រភពអង់គ្លេស និង ការិយាល័យ កម្មសិទ្ធិបញ្ញា ចក្រភពអង់គ្លេស (UKIPO) ដែលតែងតែផ្តល់កិច្ចសហការមកនាយកដ្ឋានកម្មសិទ្ធិបញ្ញានៃក្រសួងពាណិជ្ជកម្មក្នុងការរៀបចំ វគ្គបណ្តុះបណ្តាលនានាកន្លងមក ការកសាងសមត្ថភាពរបស់មន្ត្រីនិងវិស័យ […]

រាជធានីភ្នំពេញ៖ នារសៀលថ្ងៃទី៩ ខែធ្នូ ឆ្នាំ២០២៥ ឯកឧត្តម សួន វិជ្ជា ទីប្រឹក្សាក្រសួងពាណិជ្ជកម្ម និងជាប្រធាននាយកដ្ឋានកម្មសិទ្ធិបញ្ញា បានអញ្ជើញជាអធិបតីបិទសិក្ខាសាលាពិគ្រោះយោបល់ស្តីពី “ពីកន្លែងផលិតរហូតដល់ទីផ្សារ៖ ការអនុវត្តល្អក្នុងកិច្ច ការពារ ពាណិជ្ជូបនីយកម្ម និងយុទ្ធសាស្ត្រទីផ្សារ នៃម៉ាកសម្គាល់ភូមិសាស្ត្រទំនិញ” លោក Antonio Berengue អនុប្រធានការិយាល័យកម្មសិទ្ធិបញ្ញាសហភាពអឺរ៉ុប(EUIPO) មន្ត្រីនាយកដ្ឋានកម្មសិទ្ធិបញ្ញា អង្គភាពម៉ាកសម្គាល់ភូមិសាស្ត្របណ្តាប្រទេសអាស៊ាន និងសមាគមនៃម៉ាកសម្គាល់ភូមិសាស្ត្រនានារបស់កម្ពុជា សរុបចំនួន ៥០រូប។ឯកឧត្តម សួន វិជ្ជា បានថ្លែងអំណរគុណដល់ការិយាល័យកម្មសិទ្ធិបញ្ញាសហភាព អឺរ៉ុប(EUIPO) អង្គភាពម៉ាកសម្គាល់ភូមិសាស្ត្របណ្តាប្រទេសអាស៊ាន និងសមាគមនៃម៉ាកសម្គាល់ភូមិសាស្ត្រនានារបស់កម្ពុជា អ្នកជំនាញការម៉ាកសម្គាល់ភូមិសាស្ត្រទំនិញ ដែលបានចំណាយពេល វេលាចូលរួមសិក្ខាសាលាពិគ្រោះយោបល់ដ៏មានសារៈសំខាន់នេះ និងបានចែករំលែកបទពិសោធន៍ ពីការរៀបចំគោលនយោបាយ លិខិតបទដ្ឋានគតិយុត្ត និងឧត្តរមានុវត្តន៍ល្អៗពាក់ព័ន្ធនឹងការគ្រប់គ្រង ចាត់ចែងម៉ាកសម្គាល់ភូមិសាស្ត្រទំនិញ។ ជាមួយគ្នានេះដែរ អង្គសិក្ខាសាលាក៏បានដកស្រង់បទ ពិសោធន៍ពីអ្នកជំនាញការកម្ពុជា ដែលបានចូលរួមរៀបចំបង្កើតសមាគមម៉ាកសម្គាល់ភូមិសាស្ត្រ ទំនិញ ក៏ដូចជាបទពិសោធន៍របស់សមាគមម៉ាកសម្គាល់ភូមិសាស្ត្រទំនិញរបស់កម្ពុជាផ្ទាល់ពីការ លំបាក បញ្ហាប្រឈម និងឱកាស ដែលសមាគមបានជួបប្រទះ និងបានប្រែក្លាយទៅជាចំណុចវិជ្ជមាន ក្នុងការរៀបចំសមាគមឱ្យមានដំណើរការរលូនរហូតមកដល់ពេលបច្ចុប្បន្ននេះ។ឯកឧត្តម សួន វិជ្ជា បានជំរុញឱ្យអាស៊ានរួមគ្នាជាធ្លុងមួយក្នុងការកសាងវិស័យម៉ាកសម្គាល់ភូមិសាស្ត្រ ទំនិញនេះឱ្យទទួលបានភាពរីកចម្រើនបន្ថែមទៀត […]

(សៀមរាប)៖ នៅព្រឹកថ្ងៃទី៩ ខែឧសភា ឆ្នាំ២០២៥ ឯកឧត្តម អ៊ុក ប្រជា រដ្ឋលេខាធិការក្រសួងពាណិជ្ជកម្ម និងជាអនុប្រធានអចិន្ត្រៃយ៍គណៈកម្មាធិការជាតិគ្រប់គ្រងកម្មសិទ្ធិបញ្ញា និងលោកជំទាវ Chansouk SENGPHACHANH អនុរដ្ឋមន្រ្តីក្រសួងឧស្សាហកម្ម និងពាណិជ្ជកម្មនៃសាធារណរដ្ឋប្រជាមានិតទ្បាវបាន ចូលរួមជាអធិបតីក្នុងពិធីបិទកិច្ចប្រជុំក្រុមការងារសហប្រតិបត្តិការកម្មសិទ្ធិអាស៊ានលើកទី៧៥ និងពិធីផ្ទេរតំណែងប្រធានក្រុមការងារសហប្រតិបត្តិការកម្មសិទ្ធិបញ្ញាអាស៊ាន (AWGIPC CHAIRMAN) ពីឯកឧត្តម Xaysomphet NORASINGH អគ្គនាយកនៃនាយកដ្ឋានកម្មសិទ្ធិបញ្ញា ក្រសួងឧស្សាហកម្ម និងពាណិជ្ជកម្ម សាធារណរដ្ឋប្រជាធិបតេយ្យប្រជាមានិតឡាវ ជូនឯកឧត្តម សួន វិជ្ជា ប្រធាននាយកដ្ឋានកម្មសិទ្ធិបញ្ញា និងជាប្រធានលេខាធិការដ្ឋានគណៈកម្មាធិការជាតិគ្រប់គ្រងកម្មសិទ្ធិបញ្ញាសម្រាប់អាណត្តិ២ ឆ្នាំ ចាប់ពីខែឧសភា ឆ្នាំ២០២៥ ដល់២០២៧។ឯកឧត្តម អ៊ុក ប្រជា បានសម្តែងនូវការស្វាគមន៍យ៉ាងកក់ក្តៅ និងថ្លែងអំណរគុណយ៉ាងជ្រាលជ្រៅដល់ក្រុងការងារកម្មសិទ្ធិបញ្ញាអាស៊ាន និងដៃគូអភិវឌ្ឍន៍ទាំងអស់ ដែលបានចូលរួមយ៉ាងសកម្មក្នុងកិច្ចប្រជុំក្រុមការងារសហប្រតិបត្តិការកម្មសិទ្ធិបញ្ញាអាស៊ានលើកទី៧៥ និងកិច្ចប្រជុំពាក់ព័ន្ធ នៅខេត្តសៀមរាប ដែលជាទីក្រុងប្រវត្តិសាស្ត្រដ៏ល្បីល្បាញរបស់កម្ពុជា ក្នុងការប្រជុំពិភាក្សាយ៉ាងផុសផុល ចែករំលែកវឌ្ឍនភាពការងារ និងខិតខំអនុវត្តន៍ផែនការសកម្មភាព ដែលសម្រេចបានសមិទ្ធផលសំខាន់ៗ ជាច្រើន សំដៅសម្រេចតាមផែនការ និងបញ្ចប់ផែនការសកម្មភាពកម្មសិទ្ធិបញ្ញាអាស៊ានឆ្នាំ២០១៦ ២០២៥ និងត្រៀមខ្លួនសម្រាប់ការអនុវត្តផែនការសកម្មភាពកម្មសិទ្ធិបញ្ញាអាស៊ានថ្មី ២០២៦-២០៣០។នៅក្នុងពិធីទទួលតំណែងជាប្រធានក្រុមការងារសហប្រតិបត្តិការកម្មសិទ្ធិបញ្ញាអាស៊ាន ឯកឧត្តម សួន […]

(សៀមរាប)៖ នារសៀលថ្ងៃចន្ទ ទី៥ ខែឧសភា ឆ្នាំ២០២៥ ឯកឧត្តម សួន វិជ្ជា ទីប្រឹក្សាក្រសួងពាណិជ្ជកម្ម ប្រធានលេខាធិការដ្ឋាននៃគ.ក.ប. និងជាប្រធាននាយកដ្ឋានកម្មសិទ្ធិបញ្ញា ចូលរួមកិច្ចប្រជុំក្រុមការងារអាស៊ានស្តីពីកិច្ចសហប្រតិបត្តិការកម្មសិទ្ធិបញ្ញា លើកទី៧៥ ចាប់ពីថ្ងៃទី៥ ដល់ ថ្ងៃទី៩ ខែឧសភា ឆ្នាំ២០២៥ ។កិច្ចប្រជុំនេះមានការអញ្ជើញចូលរួមពីបណ្តាប្រធានអង្គភាពកម្មសិទ្ធិរបស់ប្រទេសសមាជិកអាស៊ាន តំណាងលេខាធិការដ្ឋានអាស៊ាន និងដៃគូមួយចំនួនផងដែរ។នៅក្នុងកិច្ចប្រជុំក្រុមការងារអាស៊ានស្តីពីកិច្ចសហប្រតិបត្តិការកម្មសិទ្ធិបញ្ញាលើកទី៧៥នេះ ក៏មានកិច្ចប្រជុំពាក់ព័ន្ធជាមួយដៃគូសន្ទនាមួយចំនួនផងដែររួមមាន: តំណាងគណៈកម្មាធិការកម្មសិទ្ធិបញ្ញាក្រោមក្របខ័ណ្ឌអាស៊ាន-អូស្រ្តាលី-ណូវែលហ្សេឡង់ (AANZFTA), អង្គភាពកម្មសិទ្ធិបញ្ញាកូរ៉េ (KIPO), អង្គភាពប្រកាសនីយបត្រតក្កកម្មជប៉ុន (JPO), IFPI, និង EUIPO។

( សៀមរាប)៖ នៅរសៀលថ្ងៃទី០៧ ខែឧសភា ឆ្នាំ២០២៥ ឯកឧត្តម សួន វិជ្ជា បានជួបប្រជុំទ្វេភាគី ជាមួយលោកTiago Guerreiro ប្រធានទទួលបន្ទុកសេវាកម្មសហប្រតិបត្តិការអន្តរជាតិរបស់អង្គភាពកម្មសិទ្ធិបញ្ញាសហភាពអឺរ៉ុប (EUIPO) និងលោក Gonzalo Bilbao ប្រធានគម្រោងរបស់អង្គភាពកម្មសិទ្ធិបញ្ញាប្រចាំអាស៊ីអាគ្នេយ៍ ក្នុងកំទ្បុងពេល ចូលរួមកិច្ចប្រជុំលើកទី៧៥នៃក្រុមការងារសហប្រតិបត្តិការកម្មសិទ្ធិបញ្ញាអាស៊ាន នៅខេត្តសៀម រាប ព្រះរាជាណាចក្រកម្ពជា។ឯកឧត្តម សួន វិជ្ជា បានថ្លែងអំណរគុណដល់អង្គភាពកម្មសិទ្ធិបញ្ញាសហភាពអឺរ៉ុប ក្នុងការផ្តល់ជំនួយបច្ចេកទេសដល់កម្ពុជាក្នុងការកសាងកេរ្តិ៍ឈ្មោះផលិតផលជាម៉ាកសម្គាល់ភូមិសាស្រ្តទំនិញ ម៉ាក សមូហភាព ម៉ាកវិញ្ញាតកម្ម ដើម្បីលើកកម្ពស់ជំនឿទុកចិត្តរបស់អតិថិជន លើកកម្ពស់កសិកម្ម វប្បធម៌ និងទេសចរណ៍និងការអភិវឌ្ឍន៍កម្មសិទ្ធិបញ្ញាប្រកបដោយប្រសិទ្ធភាព តាមរយៈការលើកកម្ពស់ចំណេះដឹងសាធារណៈដើម្បីពង្រឹងសមត្ថភាពដល់វិស័យសាធារណៈ និងសហគ្រាសធុនតូច និងមធ្យម។លោក Tiago Guerreiro ប្រធានទទួលបន្ទុកសេវាកម្មសហប្រតិបត្តិការអន្តរជាតិរបស់អង្គភាពកម្មសិទ្ធិបញ្ញាសហភាពអឺរ៉ុប (EUIPO) បានជម្រាបជូនស្តីពី គម្រោង EU-ASEAN SUSTAINABLE CONNECTIVITY PACKAGE –INTELLECTUAL PROPERTY RIGHTS (SCOPE IPR) ដើម្បីធ្វើការពង្រឹងសមត្ថភាពរបស់សមាជិកអង្គភាពកម្មសិទ្ធិបញ្ញាអាស៊ាន ដើម្បីកែលម្អច្បាប់ បទប្បញ្ញត្តិ ឱ្យស្របតាមកិច្ចការពារប្រព័ន្ធកម្មសិទ្ធិជាសកល […]

(ខេត្តសៀមរាប)៖ នាព្រឹកថ្ងៃអង្គារ ទី៦ ខែឧសភា ឆ្នាំ២០២៥ ឯកឧត្តម សួន វិជ្ជា និងសហការីនៃនាយកដ្ឋានកម្មសិទ្ធិបញ្ញា បានជួបពិភាក្សាការងារជាមួយគណៈប្រតិភូនៃអង្គភាពប្រកាសនីយបត្រតក្កកម្មជប៉ុន (JPO) ដែលដឹកនាំដោយ លោក Matsushita Koichi។គោលបំណងនៃជំនួបពិភាក្សានេះ គឺដើម្បីពង្រឹងកិច្ចសហប្រតិបត្តិការទ្វេភាគីរវាងអង្គភាពកម្មសិទ្ធិបញ្ញារបស់ប្រទេសកម្ពុជានិងជប៉ុន និងកិច្ចពិភាក្សាផ្តោះប្តូរយោបល់ពាក់ព័ន្ធនឹងការអនុវត្តគម្រោងកម្មសិទ្ធិបញ្ញានានា ក្រោមជំនួយបច្ចេកទេសរបស់ប្រទេសជប៉ុនផងដែរ។

(សៀមរាប)៖ នាព្រឹកថ្ងៃចន្ទ ទី៥ ខែឧសភា ឆ្នាំ២០២៥ នៅសាកលវិទ្យាល័យអង្គរ ខេត្តសៀមរាប លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិគ្រប់គ្រងកម្មសិទ្ធិបញ្ញា «គ.ក.ប.» បានអញ្ជើញជាអធិបតីក្នុងពិធីបើកទិវាកម្មសិទ្ធិបញ្ញាពិភពលោក ឆ្នាំ២០២៥ ក្រោមមូលបទ កម្មសិទ្ធិបញ្ញា និងតូរ្យតន្ត្រី: ការយល់អំពីចង្វាក់នៃកម្មសិទ្ធិបញ្ញា (IP and music: Feel the beat of IP) និងពិធីសម្ពោធគម្រោងកម្មសិទ្ធិបញ្ញា ព្រមទាំងពិធីតាំងពិព័រណ៍ផលិតផល ម៉ាកសម្គាល់ភូមិសាស្រ្តទំនិញ ម៉ាកសមូហភាព និងស្នាដៃសិល្បៈ។ពិធីនេះ ក៏មានការអញ្ជើញចូលរួមពី ឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម Igor DRIESMANS ឯកអគ្គរដ្ឋទូតសហភាពអឺរ៉ុបប្រចាំកម្ពុជា ឯកឧត្តម Derek YIP ឯកអគ្គរាជទូតអូស្ត្រាលីប្រចាំកម្ពុជា ឯកឧត្តម […]

(សៀមរាប)៖ នារសៀលថ្ងៃទី៤ ខែឧសភា ឆ្នាំ២០២៥ ជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតទទួលជួបលោក Ken-Ichiro Natsume អគ្គនាយករងអង្គការកម្មសិទ្ឋិបញ្ញាពិភពលោក និងសហការី ដើម្បីសម្តែងការគួរសម និងពិភាក្សាការងារ ដោយមានការអញ្ជើញចូលរួមពីសំណាក់ ឯកឧត្តម អ៊ុក ប្រជា រដ្ឋលេខាធិការក្រសួងពាណិជ្ជកម្ម លោក សេង ហុង អគ្គនាយករងសេវាពាណិជ្ជកម្ម ឯកឧត្តម សួន វិជ្ជា ទីប្រឹក្សាក្រសួងពាណិជ្ជកម្ម និងជាប្រធាននាយកដ្ឋានកម្មសិទ្ធិបញ្ញា និងមន្ត្រីនៃនាយកដ្ឋានកម្មសិទ្ធិបញ្ញា។ក្នុងជំនួបពិភាក្សានេះភាគីទាំងពីរបានពិភាក្សានិងផ្លាស់ប្តូរទស្សនៈគ្នាលើចំណុចគន្លឹះនានាដើម្បីអភិវឌ្ឍប្រព័ន្ធកម្មសិទ្ធិបញ្ញា និងលើកកម្ពស់កិច្ចសហប្រតិបត្តិការរវាងក្រសួងពាណិជ្ជកម្ម និងអង្គការកម្មសិទ្ធិបញ្ញាពិភពលោកឱ្យមានភាពប្រសើរឡើងបន្ថែមទៀត។

(ភ្នំពេញ)៖ នាព្រឹកថ្ងៃចន្ទ ទី១៧ ខែមីនា ឆ្នាំ២០២៥ នៅទីស្តីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិគ្រប់គ្រងកម្មសិទ្ធិបញ្ញា (គ.ក.ប.) បានអញ្ជើញជាអធិបតីដឹកនាំកិច្ចប្រជុំ គ.ក.ប. លើកទី១៤ ដើមី្បបូកសរុបលទ្ធផលការងារកម្មសិទ្ធិបញ្ញាឆ្នាំ២០២៤ និងទិសដៅការងារសម្រាប់អនុវត្តក្នុងឆ្នាំ២០២៥ ដោយមានវត្តមានអញ្ជើញចូលរួមពីឯកឧត្តម អនុប្រធាន ឯកឧត្តម លោកជំទាវ ជាសមាជិក សមាជិកា នៃគ.ក.ប. និងសមាជិក សមាជិកា នៃលេខាធិការដ្ឋាននៃគ.ក.ប. ពីអន្តរក្រសួង-ស្ថាប័ន និងមន្ត្រីជំនាញកម្មសិទ្ធិបញ្ញា ជាច្រើនរូប។កិច្ចប្រជុំនេះ ត្រូវបានរៀបចំឡើងក្នុងគោលបំណង ដើម្បីពិនិត្យនិងពិភាក្សាលើសេចក្តីព្រាងរបាយការណ៍ស្តីពីលទ្ធផលការងារឆ្នាំ២០២៤ និងទិសដៅការងារឆ្នាំ២០២៥ របស់គណៈកម្មាធិការជាតិគ្រប់គ្រងកម្មសិទ្ធិបញ្ញា និងពិនិត្យលើសេចក្តីព្រាងច្បាប់ ស្តីពីការសម្ងាត់ពាណិជ្ជកម្ម។ជាលទ្ធផល អង្គប្រជុំបានសម្រេច និងឯកភាពជាគោលការណ៍លើសេចក្តីព្រាងរបាយការណ៍បូកសរុបលទ្ធផលការងារកម្មសិទ្ធិបញ្ញាឆ្នាំ២០២៤ និងទិសដៅការងារឆ្នាំ២០២៥ របស់គណៈកម្មាធិការជាតិគ្រប់គ្រងកម្មសិទ្ធិបញ្ញា ដើម្បីគោរពរាយការណ៍ជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។